ಕೊಳಲ ದನಿಯ ಇನಿಯ-ಚಿದಂಬರ ಕಾಕತ್ಕರ್

 ಮಂಗಳೂರಲ್ಲಿ ದೂರಸಂಪರ್ಕ ಇಲಾಖೆಯ ಒಬ್ಬ ಗುಮಾಸ್ತ (ಕ್ಲರ್ಕ್‌) ನಾಗಿ ಸೇರಿ ಈ ಮೂವತ್ತು ವರ್ಷಗಳಲ್ಲಿ ಸ್ವಪ್ರಯತ್ನದಿಂದ ಸಾಧನೆಯ ಮೆಟ್ಟಿಲುಗಳನ್ನೇರುತ್ತ  ಇಲಾಖೆಯಲ್ಲಿ ಒಬ್ಬ ಸಮರ್ಥ ಆಫೀಸರ್‌ ಆಗಿ,  ಕಂಪ್ಯೂಟರ್‌ ತಜ್ಞ ನಾಗಿ ಎಲ್ಲಕ್ಕಿಂತ ಮೇಲಾಗಿ   ಸಂಚಾರ ಸೇವಾ ಪದಕ ಕ್ಕೆ ಚಿದಂಬರ ಕಾಕತ್ಕರ್ ಭಾಜನರಾದವರು.ಕೊಳಲನ್ನು ಒಂದು ಹವ್ಯಾಸದ ಭಾಗವಾಗಿ ಬೆಳೆಸಿಕೊಂಡ ಇವರು ಇದೀಗ ವೇಣುಗಾನ ಮಂಜರಿ ತಂಡವನ್ನು ಕಟ್ಟಿ ಇಂಪಾದ ಸಂಗೀತದ ನಾದವನ್ನು ಹೊಮ್ಮಿಸುತ್ತಿದ್ದಾರೆ.

ಕೊಳಲುವಾದಕ ಚಿದಂಬರ ಕಾಕತ್ಕರ್ ಜೊತೆ ನಾನು(ವಿ.ಕೆ ಕಡಬ)

ರೇಡಿಯೋ ಇವರ ಒಡನಾಡಿ. ಮಿತ್ರ  ಹಳೆಯ , ಹೊಸ ಹಿಂದಿ, ಕನ್ನಡ ಚಿತ್ರಗೀತೆಗಳೆಲ್ಲ ಇವರು ಸಂಗ್ರಹ ಮಾಡಿ ಇಟ್ಟಿದಾರೆ. ಕೆಲವರಿಗೆ ಎಲೆ ಡಿಕೆ ಮೆಲ್ಲುವ ನಶ್ಯ ಎಳೆಯುವ ಇತ್ಯಾದಿ ಚಟಗಳು ಇದ್ದಂತೆ ಇವರಿಗೆ ರೇಡಿಯೋ ಕೇಳುವ ಚಟ ಎಂದರೆ ತಪ್ಪಾಗಲಾರದು. ಕೇಬಲ್‌ ಸ್ಯಾಟಲೈಟ್‌ ಟೀವಿಯಲ್ಲಿ ಇಷ್ಟೊಂದು ಚಾನೆಲ್‌ಗಳೂ ವಿವಿಧ ಮನರಂಜನೆಯೂ ಇದ್ದರೂ ಚಿದಂಬರ ಕಾಕತ್ಕರ್ ರವರಿಗೆ ದಿನ ಮುಗಿದು ರಾತ್ರೆಯ ನಿದ್ದೆ ಬರುವುದು ವಿವಿಧ ಭಾರತಿಯ ಛಾಯಾಗೀತ್‌ ಮತ್ತು ಆಪ್‌ಕೀ ಫರ್ಮಾಯಿಷ್‌ ಕೇಳಿದರೆ ಮಾತ್ರ! ಮನೆಯವೆಲ್ಲ ಟೀವಿ ನೋಡಿ ಆದ ಮೇಲೆ ಇವರು ಟೀವಿಯನ್ನೂ ರೇಡಿಯೋದಂತೆ 'ಕೇಳು"ವುದುಂಟು. ಇವರು ತಮ್ಮ ಹೆಚ್ಚಿನ ಕಾರ್ಯಕ್ರಮದಲ್ಲಿ ಬೊಳ್ಳಿದೊಟ ಸಿನೆಮಾದ ದಾನೆ ಪೊಣ್ಣೆ ಮತ್ತು ಕೋಟಿ ಚೆನ್ನಯ ಸಿನೆಮಾ ದ ಎಕ್ಕ ಸಕ್ಕ ಹಾಡನ್ನು ನುಡಿಸುತ್ತಾರೆ. ಇವರ ಬಗೆಗೆ ಹೆಚ್ಚಿನ ಮಾಹಿತಿ ವಿರಾಮದ ವೇಳೆ ಬ್ಲಾಗ್ ನಲ್ಲಿದೆ 

ಇವರ ಜೊತೆಗೆಗಿನ ಮಾತುಕತೆ ತುಳುವಿನಲ್ಲಿದೆ ಆಸಕ್ತರು ಕೇಳಿ: