ಯುವ ಸಮುದಾಯಕ್ಕೆ ಮಾದರಿಯಾದ ಹಿರಿಯ ಮಹಿಳೆ

ಪ್ರಸ್ತುತ  ಇರುವ ನಮ್ಮ ಆಚಾರ ವಿಚಾರ ,ಗುರು ಹಿರಿಯರಿಗೆ ನೀಡುತ್ತಿರುವ ಗೌರವ ದಿನದಿಂದ ದಿನಕ್ಕೆ ಕಡಿಮೆಯಾಗುತ್ತಿದೆ . 

ಅನೇಕ ಹಿರಿಯ ಮನಸುಗಳು ಇಂದು ವೃದ್ದಾಶ್ರಮ ದಲ್ಲಿ ಕಾಲ ಕಳೆಯುತ್ತಿರುವ ನೈಜ ಚಿತ್ರಣ ನಮ್ಮ ಕಣ್ಣ ಮುಂದಿದೆ . ಸಮಾಜದಲ್ಲಿ ಕೆಟ್ಟ ಕಾರ್ಯಗಳ ವೈಭವೀಕರಣ  ಹೆಚ್ಚಾಗುತ್ತಿದೆ .  ಹಿರಿಯರನ್ನು  ಸದಾ ನಿಂದಿಸುವ ಅಥವಾ ಅವರ ಬಗ್ಗೆಕೀಳರಿಮೆ ಯ ಮಾತುಗಳೇ ಬಾಯಿ ತುಂಬಿ  ಹೋಗಿದೆ . ಇದಕ್ಕೆ  ಪೂರಕವೆ೦ಬ೦ತೆ  ಮಂಗಳೂರಿನ ಎಕ್ಕೂರಿನ ಗಿರಿಜಾ ಎನ್ನುವ ಈ ಹಿರಿಯ ಮನಸು  ತನ್ನ ಎರಡು ಕಣ್ಣುಗಳನ್ನು ಸತ್ತ ಮೇಲೆ ದಾನ ಮಾಡಲು ಮುಂದಾಗಿದ್ದಾರೆ .ಈ ಮೂಲಕ ಶೋಕಿ ಜೀವನದ ವ್ಯಾಮೋಹದಲಿ ಬ್ಯುಸಿಯಾಗಿರುವ ಯುವ ಸಮುದಾಯಕ್ಕೆ ಮಾದರಿಯಾಗಿ ಬದುಕುತ್ತಿರುವುದು ಹೆಮ್ಮೆಯ ವಿಷಯ.

. ಸದಾ ಕೊಲೆ, ದರೋಡೆ. ಅತ್ಯಾಚಾರ ಸುದ್ದಿಗಳೇ  ಮಾಧ್ಯಮದ ವಸ್ತುವಾಗಿರುವ ಈ ಸಮಯದಲ್ಲಿ  ಇಂಥವರನ್ನೂ ಗುರುತಿಸುವ ಕೆಲಸ ನಮಾದಬೇಕು   ಗಿರಿಜಾರವರಿಗೆ ಈಗ74  ವರ್ಷ ಪ್ರಾಯ . ಸದಾ  ಲವಲವಿಕೆಯಿಂದ ತಮ್ಮ ಮನೆಕೆಲಸ ಮಾಡುತ್ತಲೇ ಇರುತ್ತಾರೆ .ಇವರ ಸರಳ ಜೀವನವೇ ಒಂದು ಹೊಸ ಬದುಕನ್ನು ಕಟ್ಟಿಕೊಡುವಂತಿದೆ .  ಇಂತಹ ಹಿರಿಯ ಚೇತನ ಎಷ್ಟೋ  ಕಡೆಗಳಲ್ಲಿ ಇದ್ದಾರೆ . ನನ್ನ ರೇಡಿಯೋ  ಕಾರ್ಯಕ್ರಮದ ನಿಮಿತ್ತ ಎಕ್ಕೂರಿಗೆ ಹೋದಾಗ ನನ್ನ ಗಮನಕ್ಕೆ ಬಂತು . ಅವರಿಗೊಂದು ಪ್ರೀತಿಯಿಂದ ನೆನಪಿನ ಕಾಣಿಕೆ ನೀಡಿ ಅವರಿಂದ ಆಶೀರ್ವಾದ ಪಡೆದೆ . ಹಿರಿಯರಲ್ಲಿಯೂ ಸಮಾಜಮುಖಿ ಚಿಂತನೆಯಿದೆ ,ಸಮಾಜದಲ್ಲಿ ಮಾದರಿಯಾಗಿ ಬದುಕಬೇಕೆನ್ನುವ ಹಂಬಲವಿದೆ . ಅದಕ್ಕಿಂತಲೂ ಮಿಗಿಲಾಗಿ ಅನುಭವ ದ ಆಗರವೇ ತುಂಬಿದೆ . ಹಿರಿಯರು ನಮಗೆ ಎಂದೆಂದಿಗೂ  ಮಾರ್ಗದರ್ಶಕರು ಎನ್ನುವುದರಲ್ಲಿ ಎರಡು  ಮಾತಿಲ್ಲ .ಸಮಾಜದಲ್ಲಿ ಬದುಕುವ ನಾವು ಮರಳಿ ಸಮಾಜಕ್ಕೆ ಏನನ್ನು ನೀಡೋಣ ?