ಉದಯ ರಾಗ

ಇರುಳ ತೆರೆಯ ಸರಿಸುತ
ಹೊಸ ಬೆಳಕಿನ ಕಿರಣಧಾರೆ
ಚೈತನ್ಯದ ಸೊಬಗಿನಲಿ
ನೆಗೆದು ಬರುವ ಬಿಸಿಲು ಕುದರೆ||
ಸ್ವಚ್ಚಂದದ ಹಾಡು, ಹಕ್ಕಿ ಕಲರವ
ಇಂಪುದನಿಯ ಇಂಚರ
ಉದಯರಾಗ ಬರುತಲಿ
ಭೂಮಿ ಸಂಕುಲ ಎಚ್ಚರ||
ಸೂರ್ಯ ನಿನ್ನ ಮರೆಯಲಾರೆನು
ಈ ನವಸ್ಫೂರ್ತಿ ತುಂಬಿದ ಜನ್ಮದಲಿ
ಕಾಲೋದಯದ ಹೊಸ್ತಿಲಲಿ
 ಹೇಗೆ ನಿನ್ನ ಸ್ವಾಗತಿಸಲಿ?||
ಭೂಮಿಯ ಚೆಲುವ ಕಂಡು
ಹೊಸ ಸಂವೇದನೆಯಲಿ ನಿನ್ನ ಪಯಣ
ಯಾವ ಒಲವು ತೋರಿ ಬರುವೆ
ಭುವಿಯ ಪದರದ ಸನಿಹಕೆ? ಯಾಕೆ ಮಾನ?||
ಕಾಲಗರ್ಭದ ಜನನಿ ನೀನು
ಸಂಜೆಯಾಗುತಲಿ ಮತ್ತೆ ಪಯಣ
ಇರುಳ ಕಡೆಗೆ...
ದಿನದ ಹರುಷದ ಹೊನಲಿನಲಿ
ಈ ಜಗವೂ ನೋವ ಮರೆವ ಗಳಿಗೆ||
ನೀನು ಮೌನಿ ಬೆಳದಿಂಗಳ ತಬ್ಬಿ
ಉದಯಕಾಲಕೆ ಮರಳಿ ಬರಲಾರೆಯ
ಹೊಸ ಹರುಷವ ಹಬ್ಬಿ||