ವಿ ಕೆ ಕಡಬ ಬ್ಲಾಗ್ ಗೆ ನಿಮಗೆ ಸ್ವಾಗತ... *ಬಯಸದೆ ಬ೦ದ ಗೌರವ *ಸೇಮಿಗೆ ಕೊಟ್ಟರೂ ನಾವು ಹೋಗಲಿಲ್ಲ...!*ನನ್ನನ್ನು ಫೇಸ್ ಬುಕ್ ನಲ್ಲಿ ಸಂಪರ್ಕಿಸಿ vk kadaba .ಕಣ್ಣು ಕಾಣದ ಹುಡುಗಿ ಬಿಸಿ ಬಿಸಿ ಚಹಾ ಮಾಡುವ ವೈಖರಿ ಇದು ಅನುಭವದ ಅನಾವರಣ* ತುಳುಟೆ ಕತೆ ಕೇನ್ಲೆ -ತುಳು ಕತೆಗಳು ಈಗ ವಿ.ಕೆ ಆಡಿಯೋ ಬ್ಲಾಗ್ ನಲ್ಲಿ ಲಭ್ಯ* ಪ್ರತಿ ಆದಿತ್ಯವಾರ ರೇಡಿಯೋ ಸಾರಂಗ್107.8FM ನಲ್ಲಿ11:30 ಕ್ಕೆ ಬಿನ್ನೆರೆ ಪಾತೆರಕತೆ *ಒಲವಿನ ಹಾಡು ಸೋಮವಾರದಿ೦ದ-ಶುಕ್ರವಾರದವರೆಗೆ ಪ್ರತಿದಿನ 3:00 ರಿಂದ4:00ರವರೆಗೆ ನಿಮ್ಮ ಮೆಚ್ಚುಗೆಯ ಹಾಡಿಗಾಗಿ ಕರೆ ಮಾಡಿ-0824-2449744 * ನಿಮ್ಮ ಮನೆಯಲ್ಲಿ ಬಜೆ ಇದೆಯಾ?

Thursday, April 30, 2015

ದುಡಿನಲಿಕೆದ ಪೊಲಬು-VK KADABA

                                    * Dudi nalikeda polabu-vk kadaba*
ನಮ್ಮ ತುಳುನಾಡ್  ಬೇತೆ ,ಬೇತೆ  ನಮೂನೆದ ಕಲೆ ಸಂಸ್ಕೃತಿ ನ್  ದಿಂಜಾಯಿನ ಮಮಾಲ್ಲ ಕದಿಕೆಯಾದುಂಡು . ಕೆಲವು ಸಂಪ್ರದಾಯ ,ಆಚರಣೆಲು  ಬೊಲ್ಪುಗ್  ಬತ್ತ್ಂಡ್೦ದಾ೦ಡ  ನಾನಾ ಏತೊ ಜನಪದ ಕಳೆಕುಳು ಮೂಡ್ಯೆ ಸೇರಿನವೇ  ಜಾಸ್ತಿ . ಪರಶುರಾಮನ ಕುಡರಿದ ಈ ಜಾಗೆಡ್  ಜನಪದ ರಂಗಭೂಮಿಗ್ಲಾ  ಮಲ್ಲ ಪಿನ್ನೆಲೆ ಉಂಡು . "ಪಾತೆರ್ನಾತ್  ಪಾತೆರ ಉಂಡು ,ಗರ್ತಿನಾತ್  ಮಣ್ಣ್ ಉಂಡು" ಪನ್ಪಿ  ಗಾದೆದಲೆಕ್ಕ  ನಮ್ಮ ತುಳು ಜನಪದ ಪ್ರಕಾರೊಲು  ಬೋಡಯಿನಾತ್  ಉಂಡು . ಇಂಚಿತ್ತಿ  ಜನಪದ ಪೊದಿಕೆಡ್ದ್  ಮಾಜಿದ್  ಪೋವೊಂದಿಪ್ಪುನ  ಜನಪದ ಕಲೆನೆ  "ದುಡಿ ನಲಿಕೆ'
ನಮ್ಮ ತುಳುನಾಡ್  ದ ಮುಗೇರ ಸಮುದಾಯದಕುಲು  ಈ ದುಡಿನಲಿಕೆನ್  ಮಲ್ಪುವೆರ್ . ಕೆಲವು ಕೊಡಿಟ್ ಇತ್ತೆಲಾ ಮಲ್ತೊಂದು ಉಲ್ಲೆರ್ .  ದುಡಿನಲಿಕೆದ ಪಿರಾಕ್ ದ ಪರತಿರಿನ್ ನಾಡೊ೦ದು ಪೋನಗ  ಇಸೇಸೊ  ಸಂಗತಿಲು  ನಂಕ್  ತೆರಿದ್ ಬರ್ಪ . ದುಡಿ ಈ ಸಬುದೊ  ಕೇನುನಗನೆ  ಕುಸಿ ಆಪುಂಡು  ಬೊಕ್ಕ ಬೊಟ್ಟುನೊಟ್ಟೂಗೆ ಪದತ ರಂಗಿತ ಕೇ೦ಡ  ಮೈ ಒರ ಮರ್ಲುಂಡು . ಬುಡಕಟ್ಟು  ಸಮುದಾಯಗ್  ಸೇರಿನ  ಈ ಮುಗೇರೆರ್ನ  ಸಾಂಸ್ಕೃತಿಕ  ಲೋಕೊಡು ದುಡಿನಲಿಕೆ ಮಲ್ಲ ಮಾನಾದಿಗೆ ನ್  ಪಡೆದಂಡ್ . ದುಡಿ ನಲಿಕೆದ ಪದೊಕುಲು  ನಿತ್ಯ  ಬದಕ್  ದ ಬೇನೆ- ಬೇಸರ್ ,ತೇಲಿಕೆ- ನಲಿಕೆ ಅಂಚನೆ ದುನಿಪುದ ಸಂಗತಿಲೆನ್  ದುಂಬು ದೀತ್೦ಡ್ . ಅಂಚನೆ ದುಡಿನಲಿಕೆದ ಗರ್ದ್ ನ್  ಪರ್ಬ ಬೊಕ್ಕ ಕೆಲವು ಜಾತ್ರೆ ಅಂಚನೆ ಮದಿಮೆದ ಲೇಸ್ ಡ್ ದುಡಿತ ಸೊರೊಕು  ಪಜ್ಜೆ ಪಾಡುವೆರ್
.
ದುಡಿ ಪನ್ಪಿನ  ಸೊತ್ತುನು  ಪೆಲತ್ತ  ಮರತ  ತುಂಡುನು  ಕೊರೆದ್  ತಯಾರ್  ಮಲ್ಪುವೆರ್ . ಚಟ್ಟೆ  ಬೊಕ್ಕ ಮಂಗದ ಚೋಲಿನ್  ನುಂಗಾದ್  ಈ ದುಡಿ ಮರತ ಬಾಯಿಗ್ ಒಯ್ತ್ ಕಟ್ಟುವೆರ್ . ಎಡತ್ ಗ್ ಚಟ್ಟೆದ ಚೋಲಿ ಬಲತ್ ಗ್ ಮಂಗದ ಜೋಲಿ  ಪಾಡುನವು  ಕ್ರಮ . ಉಂದು  ಪ್ರಾಯದಕುಲೆನ ಅನುಭವದ ಪಾತೆರ .ನನ ದುಡಿನ್ ಬೊಟ್ಟೊಡಾ೦ಡ  ಕೊಡಿ ಬಗ್ಗಿನ ಕೊಕ್ಕೆಯಾಯಿನ ಬೆತ್ತದ ಕೋಲುನು  ಉಪಯೋಗ  ಮಲ್ಪುವೇರ್ .
ದುಡಿ ನಲಿಕೆ ಒಂಜಿ ಕೂಟದ  ನಲಿಕೆ  ಸುಲಭವಾದ್  ಪನ್ಪುನಾಂಡ  ಒಂಜಿ ಸಮೂಹ  ನೃತ್ಯ . ಆಂಜೊವುಲು , ಪೊಂಜೊವುಲು  ಒಟ್ಟುಗೆ ನಲಿಪುವೆರ್ . ಅಂಚನೆ ಕೆಲವು ಸಮಯಯೊಡು  ಜೋಕುಲುಲಾ  ಸೇರೊನುವೆರ್ . ಈ ದುಡಿ  ನಳಿಕೆ ಆನಗ ಇಸೇಸೊ ಏಸೋ  ದಾಲ  ಇಜ್ಜಿ . ನಿತ್ಯ ತುತ್ತುನ  ಅಂಗಿಕುಂಟು ,ಸೀರೆ ಡೆ  ಸುದಾರಿಪುವೆರ್ . ಮುಗೇರ ಸಮುದಾಯದ  ಜೀವನ ಕ್ರಮೊಟು  ದುಡಿನಲಿಕೆ ದಾಂತೆ  ಒವ್ವೆ ಲೇಸ್ ಪರಿಪೂರ್ಣ ಆಪುಜಿ . ದುಡಿತ ಗತ್ತ್  ದ ಪೆಟ್ಟ್  ತಿಕ್ಕಿನಂಚನೆ  ಪಿರ ಕೈ ಕಟ್ಟೊ೦ದು  ಕುಡೊರ  ಕೈ ಮಿತ್ತ್  ಮಲ್ತೊಂದು ನಲಿಕೆ  ಸುರು  ಆಪುಂಡು .

ಈ ನಲಿಕೆಗ್  ಕೆಲವು ಪೊರ್ತುಡು  ಪಾರ್ದನ ಅತ್ತ್೦ಡ  ನೇಜಿದ  ಕಬಿತೆಲೆನ್  ಪನ್ಪೆರ್ . ಅವು ಪದ  ಪನ್ಪಿನಕ್ಲೆನ  ಅನುಭವದ  ಮಿತ್ತ್  ಇಪ್ಪುಂಡು . ಕೆಲವು ಸಮಯೊಡು ನಿತ್ಯ ತೂಯಿನ ಸಂಗತಿಲೆನ್  ಕಬಿತೆ  ರೂಪೊಡು  ನೈದ್  ಪನ್ಪುನಲಾ  ಉಂಡು . ಒಂಜಿ ಉದಾರ್ಮೆ  ಕೊರ್ಪಿನಾಂಡ  ರಾವೋ ರಾವು  ಕೊರೊಂಗು  ದುಡಿತ  ಸಬುದ ದ ಬ ಒಟ್ಟುಗು  ಕೆನ್ಯರ  ರಡ್ಡ್  ಕೆಬಿ ಯಾವಂದ್ . ದುಡಿ ನಲಿಕೆದ ಪದೊಕುಲು  ತುಳು  ಬಾಸೆ ಗ್  ಮಾತ್ರ ಸೀಮಿತವಾದ್  ಇಜ್ಜಿ . ಕೆಲವು ಓದು ಬರವು ಇತ್ತಿನಕ್ಲು  ಕನ್ನಡದ  ಪದೊಕುಲೆನ್  ದುಡಿತ ಪೆಟ್ಟ್ ದೊಟ್ಟುಗೆ  ಕೊನೋಪೆರ್ . ನಾನಾ ದುಡಿನ್  ಸೊಂಟೊಗು  ಕಟ್ಟೋ೦ದು  ಬೊಟ್ಟು ವೆರ್  ಅಂಚನೆ ಪುಗೆಲ್  ಗ್  ಪಾಡೊ೦ದುಲಾ     ಬೊಟ್ಟು ವೆರ್. ಒಂಜಿ ಕೈಟ್  ದುಡಿತ  ಬಲ್ಲ್  ನ್  ಬಿಗಿತ್ ಪತ್ತದ್  ನಾನೊಂಜಿ ಕೈಟ್  ದುಡಿತ  ಕೋಲು  ಪತ್ತದ್  ಸೊರ ಲಕ್ಕಾವೆರ್ . ನಲ್ಪಿನಕ್ಲು  ದುಡಿತ ಗತ್ತಗ್  ಪಜ್ಜೆ ಪಾಡುವೆರ್ .



ದುಡಿ ಬೊಟ್ಟೂನೆಟ್ಲ  ಬೇತೆ  ಬೇತೆ  ವಿಧಾನ ಉಂಡು . ಅವು ಮಾಮಲ್ಲ ಕಲೆಲ  ಅಂದ್  ಬಾಣೆ ಪಾಡುನ ,ಒತ್ತುಕೋಲು ,ಕರಂಡೆ ,ಬೇಂಗ ಸೊರ ,ಕುಂಡಕೋರಿ  ಇಂಚಿತ್ತಿ  ಬಗೆಲು  ಉಲ್ಲ . . ಪೊಣ್ಣನ್  ದಾರೆದ ಪರಿಜಿ  ಗ್ ಲೆತ್ತೊಂದು ಬನ್ನಗ ,ಅಂಚನೆ  ಪೊಣ್ಣನ್ ಜಪುಡಾದ್  ಕೊರ್ನಗ ನ ಬೇತೆ ನಮೂನೆಡ್  ಬೊಟ್ಟುವೆರ್ . ಕೊಡೊಂಜಿ  ಗಮ್ಮತ್ ದ  ಸಂಗತಿ ಉಂಡು . ಮದಿಮೆದ ಕಲೊಟು  ಕುಸಲ್ ಗಾದ್  ನಲಿಪರೆ ಬೋಡಾದ್  ಬೊಟ್ಟುನ ಒಂಜಿ ವಿಧಾನೋಗು  ಕುಂಡ  ಕೋರಿ  ಗ್  ನಲಿಪಿನ  ಪಂದ್  ಪನ್ಪೆರ್ . ಇಂಚ ದುಡಿತ ಇಸಯೊ  ಪಂಡಿನಾತ್  ಮುಗಿಯುಜಿ  ಕೇಂಡಿನಾತ್  ಯಾವುಜಿ . ಇಂಚಿತ್ತಿ  ಏತೋ  ಜನಪದ ಕಲೆಕುಲು ಇನಿ ನಮ್ಮ ಎದುರುಗು ಇಜ್ಜ  ಕೂಡ ನಮ್ಮ ಬದ್ ಕ್  ದ ರೀತಿ ರೀವಾಜಿದ ಒಟ್ಟುಗು  ಕನವೊಡು .

No comments:

Post a Comment