ಬಿಸು ಪನ್ನಗ ನಮ್ಮ ತುಳುವೆರೆಗ್ ಪೊಸ ಒರ್ಸ .ನಮ್ಮ ತುಳುನಾಡ ಪರತಿರಿನ್ ತುವ್ವೊಂದು ಪೋಂಡ ಬೆನ್ನಿದ ಬೇಲೆಗಾದ್ ಪರ್ಬ ಮಲ್ತೊಂದಿತ್ತಿನ ಇಸಯೋಲು ತೆರಿದ್ ಬರ್ಪುಂಡು .ಈ ಪಿನ್ನೆಲೆಟ್ ಕಂಡದ ಬೇಲೆಗಾದ್ ಕಾಂಡೆ ಬೇಗ ಲಕ್ಕ್ ದ್ ಎರುಲೆನ್ ದೇರೊಂದು ಪೋದು ಏರು ಕಟ್ಟ್ ದ್ ಬರೆ ಪಾಡ್ದ್ ಬಿತ್ತುವೆರ್ . ಐಕ್ ನಮ್ಮ ತುಳುವೆರ್ನ ಒಂಜಿ ಎಡ್ಡೆ ಸಬ್ದೊನೇ " ಕೈ ಬಿತ್ತ್ ಬಿತ್ತುನ " ಪಂದ್ . ಕೂಡು ಕಟ್ಟ್ ದ ದುಂಬುದ ಇಲ್ಲಡ್ ಹಿರಿಯಕ್ಲೆನ ಮೋಕೆ ದಿಂಜಿದಿತ್ತ್ಂಡ್ . ಈ ಬಿಸುತ ಪೊರ್ತುಡೆ ಕಣಿ ದೀದ್ ಆಯಿ ಬೊಕ್ಕ ಮಾತ ಕಿರಿಯೆರ್ಲ ಪ್ರಾಯದಕ್ಲೆನ ಕಾರ್ ಪತ್ತದ್ ,ಎಡ್ಡೇಪುನು ನಟ್ಟೊ೦ದಿತ್ತೆರ್. ನಮ್ಮ ತುಳುವೆರ್ ನ ಇಲ್ಲಡ್ ತುಳಸಿದ ಕಟ್ಟೆ ತೂಯರ ತಿಕ್ಕುಂಡು . ಈ ಬಿಸು ಪರ್ಬದ ಪೊರ್ತುಡೆ ಈ ತುಳಸಿ ಕಟ್ಟೆಗ್ ದೀಪ ದೀಡುನ ಕ್ರಮ ಉಂಡು . ಆಂಡ ಸುಳ್ಯ ,ಪುತ್ತೂರು ,ಬೊಕ್ಕ ಬೆಳ್ತಂಗಡಿ ದಂಚಿನ ಊರುಲೆಡ್ ಬೂತೊದ ಚಾವಡಿಡ್ ಪೂಜೆನ್ ಮಲ್ಪಿನೆನ್ ತೂವ್ವೊಲಿ . ಪೊಸ ಒರ್ಸೊದ ಪೊರ್ತುಡು ಬೇಲೆ ಪೋಪಿನಲ್ಪ ಸಾಲ ಇತ್ತ್ಂಡ ಐನ್ ಸಂದಾಪಿನ ಕ್ರಮ ಉಂಡು . ಬೊಕ್ಕ ಪೊಸ ಅಂಗಿ ಕುಂಟು ಪಾಡುನವು ಒಂಜಿ ಇಸೆಸೊ . ಇತ್ತೇ ಮದಿಮೆ ಬೊಕ್ಕ ಬೇತೆ ಬೇತೆ ಕಾರ್ಯಲೆಗ್ ಪೊಸ ಕುಂಡು ದೆಪ್ಪುನ ಕ್ರಮ ಮಾಮೂಲಿ ,ಆಂಡ ಆನಿದ ಕಾಲೋಡು ಒರ್ಸೊಗೊರೊನೆ ಕುಂಟು ದೆಪ್ಪುನ ಪಂಡ ಅವು ಬಿಸು ಪರ್ಬಗ್ . ಇನಿ ತುಳುವೆರ್ನ ಇಲ್ಲಡ್ ಬಿಸುತ ಗೌಜಿ ಇಜ್ಜಿ . ಕೇವಲ ಬೀಜದ (ಗೂಂಕುದ) ಬೊಂಡು ಪಾಡ್ದ್ ಚೀಪೆದ ಪಾಯಸ ಮಲ್ಪುವೆರ್ . ಅವುಲಾ ಕಾಯಿ ಬೀಜದ ಬೊಂಡುದ ಪಾಯಸ ಎಡ್ಡೆ ಕಮ್ಮೆ ನ ಇಪ್ಪುಂಡು .
ನನ ಬಿಸುಕಣಿ ದೀಪಿನ ಕ್ರಮ:-
ನಂಬಿಂಚಿ ದೇವೆರೆನ ಎದುರು ಇಲ್ಲಡ್ ಆಪಿನ ಮಾತಾ ತರಕಾರಿಲೆನ್ ಒಟ್ಟು ದೀತ್ ಐನೊಟ್ಟುಗೆ ಪುರ್ಪ , ಪಿಂಗಾರೊ ,ಬೊಕ್ಕ ಕನ್ನಡಿ ದೀದ್ ಸುಗಿಪುನ ಒಂಜಿ ಕ್ರಮ ಉಂಡು . ಬೇಸಾಯೋದ ಕ್ರಮ ಮಾಜೀದ್ ಪೂಯಿನ ಈ ಪೋರ್ತುದು ಬಾಯಿನಿಲಿಕೆ ಪಾತೆರ ಮಾತ್ರ ಒರಿದ್ಂಡ್ . ಇಂಚಿಪ ಯಾನ್ ಒಂಜಿ ಇಲ್ಲಡ್ ಇಸೆಸೊ ಕ್ರಮೊನು ತುಯ್ಯೆ ಅವು ದಾದಾ ಪಂಡ ಬಿಸುದ ದಿನತಾನಿ ಇಲ್ಲದ ಅಟಿಲ್ ದ ಕೋನೆಡ್ ಅ೦ರ್ಬುಚಿ(ಮುಂಚಿ ಅರೆಪಿನ ಮರತ ಒಂಜಿ ಸೊತ್ತು ) ಡ್ ವನಸ್ ಕಜಿಪು ಬೊಕ್ಕ ಪಾಯಸ ದೀದ್ ತೀರ್ ಪೂಯಿನ ಹಿರಿಯಕ್ಲೆನ್ ಒರ ನೆನೆಪಿನ ಕ್ರಮ . ಅವು ಮಾತಾ ಕೋಡಿಲೆಡ್ ಇಜ್ಜಿ . ಇನಿ ಬೇಸಾಯ ದ ಒಂಜಿ ಕ್ರಮ ದಿಂಜ ಬದಲಾತ್ಂಡ್ ಅತ್ ಮಾತ್ರ ಅತ್ತ್ ಇನಿ ಬೇಸಾಯ ಮಲ್ಪರ ಜನಲಾ ಇಜ್ಜಿ . ಬಿಸು ಬನ್ನಗ ನಮ್ಮ ತುಳುನೆಲದ ಕಮ್ಮೆನ ಉರ್ಕುದು ಬರೋಡು ಪನ್ಪಿನವೇ ಎನ್ನ ಮದಿಪು.
ಸಂಪರ್ಕ ಕೊಂಡಿಗಳು:-
wikimedia.org
vijaykarnataka.indiatimes.com
V K Kadaba is the pen-name of Mr. Thimmappa VK Kadaba, Program
Executive at Radio Sarang 107.8 FM at St Aloysius College, Mangalore.
He was born and brought up in the scenic environs of Kadaba in Puttur
Taulk of DK District, Karnataka. Besides his regular duties as program
producer at Radio Sarang V K Kadaba likes composing poems, short
stories, Tulu history, paad'dhana collection and theater.
 |
| ಅಂತರ್ಜಾಲದಿಂದ ಸಂಗ್ರಹಿಸಿದ ಚಿತ್ರ |
ನನ ಬಿಸುಕಣಿ ದೀಪಿನ ಕ್ರಮ:-
ನಂಬಿಂಚಿ ದೇವೆರೆನ ಎದುರು ಇಲ್ಲಡ್ ಆಪಿನ ಮಾತಾ ತರಕಾರಿಲೆನ್ ಒಟ್ಟು ದೀತ್ ಐನೊಟ್ಟುಗೆ ಪುರ್ಪ , ಪಿಂಗಾರೊ ,ಬೊಕ್ಕ ಕನ್ನಡಿ ದೀದ್ ಸುಗಿಪುನ ಒಂಜಿ ಕ್ರಮ ಉಂಡು . ಬೇಸಾಯೋದ ಕ್ರಮ ಮಾಜೀದ್ ಪೂಯಿನ ಈ ಪೋರ್ತುದು ಬಾಯಿನಿಲಿಕೆ ಪಾತೆರ ಮಾತ್ರ ಒರಿದ್ಂಡ್ . ಇಂಚಿಪ ಯಾನ್ ಒಂಜಿ ಇಲ್ಲಡ್ ಇಸೆಸೊ ಕ್ರಮೊನು ತುಯ್ಯೆ ಅವು ದಾದಾ ಪಂಡ ಬಿಸುದ ದಿನತಾನಿ ಇಲ್ಲದ ಅಟಿಲ್ ದ ಕೋನೆಡ್ ಅ೦ರ್ಬುಚಿ(ಮುಂಚಿ ಅರೆಪಿನ ಮರತ ಒಂಜಿ ಸೊತ್ತು ) ಡ್ ವನಸ್ ಕಜಿಪು ಬೊಕ್ಕ ಪಾಯಸ ದೀದ್ ತೀರ್ ಪೂಯಿನ ಹಿರಿಯಕ್ಲೆನ್ ಒರ ನೆನೆಪಿನ ಕ್ರಮ . ಅವು ಮಾತಾ ಕೋಡಿಲೆಡ್ ಇಜ್ಜಿ . ಇನಿ ಬೇಸಾಯ ದ ಒಂಜಿ ಕ್ರಮ ದಿಂಜ ಬದಲಾತ್ಂಡ್ ಅತ್ ಮಾತ್ರ ಅತ್ತ್ ಇನಿ ಬೇಸಾಯ ಮಲ್ಪರ ಜನಲಾ ಇಜ್ಜಿ . ಬಿಸು ಬನ್ನಗ ನಮ್ಮ ತುಳುನೆಲದ ಕಮ್ಮೆನ ಉರ್ಕುದು ಬರೋಡು ಪನ್ಪಿನವೇ ಎನ್ನ ಮದಿಪು.
ಸಂಪರ್ಕ ಕೊಂಡಿಗಳು:-
wikimedia.org
vijaykarnataka.indiatimes.com
V K Kadaba is the pen-name of Mr. Thimmappa VK Kadaba, Program
Executive at Radio Sarang 107.8 FM at St Aloysius College, Mangalore.
He was born and brought up in the scenic environs of Kadaba in Puttur
Taulk of DK District, Karnataka. Besides his regular duties as program
producer at Radio Sarang V K Kadaba likes composing poems, short
stories, Tulu history, paad'dhana collection and theater.
No comments:
Post a Comment